GESTUR HJÁ VERULEIKANUM
Útgávuár: 2011
180 Krónur

Gestur hjá veruleikanum er sjálvsævisøguliga frásøgnin hjá Pär Lagerkvist. Hon er um tann lítla dreingin Anders og uppvøkstur hansara við eini jarnbreytarstøð í tí  svenska smábýnum um aldarskiftið 1900

BRÆVASKIFTIÐ MILLUM ABELARD OG HELOISE
Útgávuár: 2010
Krónur 198

Søgan um sambandið millum Abelard og Heloise er eitt av heimsins mest víðagitnu og tragisku kærleiksævintýrum. Hon er søgd í brøvunum hjá Pæturi Abelard, einum fronskum heimspekingi og einum av teimum størstu logikarunum í tólvtu øld, og gávuríka næmingi hansara, Heloise.

UM VERAN OG VERU
Thomas Aquinas
Útgávuár: 2009
Krónur 198

Ungdómsverkið hjá Thomas Aquinasi De ente et essentia er eitt lítið rit um eitt stórt evni. Onkur hevur kanska hug at siga: eitt alt ov lítið rit um eitt alt ov stórt evni. Tað snýr seg rætt og slætt um tað sum er. Og um hvat tað sum er, er. Øðrvísi sagt: um hvat tað vil siga at vera, og hvat tað vil siga at vera nakað ávíst, í mun til nakað annað. So einfalt. Og so torført.

Les meira um Um veran og veru

BØÐILIN
Pär Lagerkvist
Útgávuár: 2008
Krónur 150

Bøðilin skrivaði Pär Lagerkvist longu í 1933, árið tá ið Hitler tók við valdinum. Íblásturin var ein ferð gjøgnum Týskland. Einki norðurlendskt skald hevur megnað at givið okkum ein sterkari varhuga av tátíðar yvirtrúgv og bonskleika, og meira óhugnaliga veruleikasatt hevur eingin frammanundan sæð teir ræðuleikar, sum fóru at koma. Javnberingin tekur kvørkratak á lesaran.

Les meira um Bøðilin

BARABBAS
Pär Lagerkvist
Útgávuár: 2008
Krónur 198

Frásøgnin hjá Pär Lagerkvist um Barabbas er ein av teimum stóru skaldsøgunum í svenskum bókmentum. Hon kom út á fyrsta sinni í 1950 og gjørdi Pär Lagerkvist heimskendan. Hann fekk Nobels heiðursløn í 1951.

Les meira um Barabbas

 

 

FEDRAR OG SYNIR
Ivan Sergejevitj Turgenjev
Útgávuár: 2005
120 Krónur

Fedrar og synir eftir Ivan Sergejevitj Turgenjev (1818-83) er ein klassikari í heimsbókmentum. Skaldsøgan lýsir tað russiska samfelagið mitt í 1800-talinum, har fedrarnir og synirnir umboðaðu tvær heilt ymiskar áskoðanir á samfelagið. Tað gamla lenssamfelagið móti tí nýggja nihilistiska og skilbundna.

Les meira um Fedrar og synir

 

 

JÁTTANIR AUGUSTINUSAR
Útgávuár: 2004
298 Krónur

Játtanir Augustinusar er ein av teimum mest týðandi og mest nýskapandi verkunum í latínskum bókmentum. Bókin er skrivað, tá ið høvundurin var fyrst í fýratiárunum í teimum seinastu árunum av fjórðu øld e.Kr. og í teimum fyrstu árunum, hann var biskupur. Hon endurspeglar lív hansara og virksemið við at endurminnast og tulka eina lívsgongd.

Les meira um Játtanir Augustinusar



"Eitt týðingarverk, sum heilt óuppiborðið er dottið burturímillum í bókaumrøðuni. Eitt djarvt og neyðugt tiltak."
(Carl Jóhan Jensen, rithøvundur og ummælari - í Dimmalætting 30.12.2004)